Lehen hezkuntza
6-11 urte bitarte: Ikaslea ardatz
Gure Lehen Hezkuntzan, 1. mailatik 6. maila arte, haurrek ikaskuntza aktibo eta parte-hartzailean oinarritutako ibilbidea egiten dute. Ikaslea ardatza da, eta gure helburua bere gaitasun pertsonalak, sozialak eta akademikoak modu orekatuan garatzea da.
Euskararen erabilera sustatzen dugu, hizkuntza bizitzeko eta komunikatzeko tresna gisa. Aldi berean, ikasketa kooperatiboa ezinbestekoa da gure eguneroko lanean; talde-lana, elkarlana eta kohesio dinamikak lantzen ditugu ikasleen arteko harremanak sendotzeko.
Ikasketarekiko eta haurren ongizate emozionala zaintzeko konpromisoa bultzatzen dugu, gure ikasleak hezkuntza-proiektuaren ardatza direlarik. Horretarako, irakasle hurbil eta arduratsuek haur bakoitzaren garapena gertutik jarraitzen dute, laguntza eta segurtasuna eskainiz.
Metodologia
Ongizate
emozionala
Jarraipena
Ikaskuntza
ikuspegia
Elkarbizitza
01.
Ongizate emozionala
Ikasleek emozioak identifikatu, adierazi eta kudeatzen ikasten dute ingurune seguru eta atsegin batean. Helburua norberaren eta besteen emozioak ulertzeko gaitasuna garatzea da, harreman osasuntsuak eraikiz.
02.
Jarraipena
Ikasleen jarraipen pertsonalizatua egiten dugu, haien erritmo eta beharrei egokituz. Irakasle-taldeak etengabeko behaketa eta balorazioa egiten du, ikasleen garapena bideratzeko. Helburua, modu orekatuan bakoitzak bere ahalmenak garatu eta ikaskuntza-prozesuan aurrera egitea da.
03.
Ikaskuntza ikuspegia
Lehen Hezkuntzan ikaskuntza bizia eta kolaboratiboa sustatzen dugu: IKKI bidez lan egiten dugu, proiektu interesgarriak garatzen ditugu eta eguneroko jardueretan talde-kohesioa lantzen dugu.
04.
Elkarbizitza
Bizikidetza osasuntsua eta errespetuzkoa sustatzen dugu, ikasleen arteko elkarrizketa, enpatia eta laguntasuna bultzatuz. Ingurune seguru eta atsegin bat sortzea da helburua, zeinetan denok elkar zaintzen eta errespetatzen dugun.
